3-7 қыркүйек аралығында елімізде Халықаралық «Ұлы дала жорығы» марафон-бәйгесі өтеді. Оған шет мемлекеттерден 10-жуық команда қатысады. Отандық командалардың саны 9. Қазіргі уақытта қатысушыларды тіркеу аяқталды.
Қазірде Шымкент қаласының дене шынықтыру және спорт басқармасына қарасты 33 спорттық ұйым жұмыс жасайды. Оның ішінде 16 балалар-жасөспірімдер спорт мектебі, 1 мүгедектігі бар адамдарға арналған спорт мектебі, 2 жоғары спорт шеберлігі мектебі, 1 олимпиада резервін даярлау орталығы, 2 кәсіби спорт клубы, 3 спорт клубы, 1 дәрігерлік-дене шынықтыру диспансері, 1 спорт ғимараттар дирекциясы, 1 су-спорт кешені және 4 мемлекеттік-жекешелік әріптестік аясындағы спорт нысандары. Бұл туралы бүгін Өңірлік коммуникациялар қызметі алаңында өткен баспасөз конференциясында Шымкент қаласы дене шынықтыру және спорт басқармасының басшысы Мықтыбеков Маратбек Саменбекұлы баяндады.
5-ші Дүниежүзілік көшпенділер ойындары қарсаңында құсбегілер Ақмола облысында оқу-жаттығу жиындарын өткізіп жатыр.
Құсбегілік (саятшылық) федерациясының атқарушы директоры Базарбек Күнтуғанның айтуынша еліміздің үздік құсбегілері Көшпенділер ойындарына деген дайындықтарын қыздыра түскен.
Америкалық көкпаршы Ник Уиллерттің осы күзде Астана қаласында өтетін 5-ші Дүниежүзілік көшпенділер ойындары аясындағы көкпар сайысына дайындығы әлеуметтік желіде көптің назарына түсті.
Дәстүрлі садақ атудан ұлттық құрама спортшылары осы күзде Астанада өтетін 5-ші Дүниежүзілік көшпенділер ойындарына деген дайындықтарын қыздыра түсті. Садақшылар дүбірлі додада сайыс өтетін алаңда, яғни «Қазанат» ипподромында шеберліктерін шыңдап жатыр.
Шымкент қаласы әкімінің орынбасары Құранбек Сәрсен Абайұлының қатысуымен өңірдегі спорттың дамуына елеулі үлес қосқан сала қызметкерлері мен ардагерлерін құттықтау мақсатында мерекелік жиын ұйымдастырылды. Жиында сондай-ақ Шымкент қаласы мәслихатының хатшысы Нарымбетов Баһадүр Мәдәліұлы мен қалалық дене шынықтыру және спорт басқармасының басшысы Мықтыбеков Маратбек Сәменбекұлы қатысушыларды мерекемен құттықтап, отандық спорттың дамуына елеулі қосқан сала өкілдеріне алғыстарын білдірді. Мерекелік жиын барысында қала әкімінің Алғыс хатымен сала қызметкерлері, жаттықтырушылар және спорт ұйымдарының өкілдері марапатталды.
Арыс қаласына қарасты Қожатоғай ауылында тұңғыш заманауи спорт зал комплексі ашылды. «Ауыл – ел бесігі» бағдарламасы аясында салынған кешен барлық қажетті материалдық-техникалық құралдармен жабдықталған.
Этносаралық татулықты сақтау мақсатында «Спорт — бізді біріктіреді» атты волейболдан аудан жастары арасында жарыс өтті.