«КӨНЕ ТҮРКІСТАН  – ЖАҢА МҮМКІНДІКТЕР» атты Халықаралық инвестициялық жəне туристік форум аясында құны 1,7 млрд. АҚШ долларды құрайтын 19 меморандумға қол қойылды. Атап айтқанда, Түркістан облысы әкімдігі мен Иран, Түркия, Чехия, Ресей, БАӘ, Малайзия, Италия, Польша, Қытай мемлекеттерінің инвесторлары арасында келісімдер жасалды. Бұл туралы «AQ-QARA.KZ» хабарлайды «ontustik.gov.kz-ке» сілтеме жасап. 

Осы аптаның жұмасында Түркістан қаласында «Көне Түркістан  – жаңа мүмкіндіктер» атты халықаралық инвестициялық жəне туристік форум өтті. Оған Еуропа елдерінен, Түркия, Ресей, Оңтүстік Корея, Қытай, Сингапур, Иран, Малайзия, Пәкістан, Өзбекстан т.б.  мемлекеттерден 250-ден астам делегат келді. 

Елбасы Нұрсұлтан Назарбаевтың бастамасымен елімізде еңбек өнімділігін ынталандыру, жастар арасында жұмысшы мамандықтарын насихаттау және жұмысшылар әулетінің көпжылдық дәстүрлерін нығайту мақсатында Еңбек күні мерекесі белгіленген болатын. Осыған орай еліміздің барлық өңірлерінде қыркүйектің соңғы жексенбісінде еңбек күнін атап өту дәстүрге айнала бастағаны белгілі. Бұл игі дәстүрден Отырар ауданы да шет қалған жоқ.

Түркістан облысына қарасты  Отырар ауданында «Отырар жәдігерлері» кітабы жарық көрді. Аудандық əкімішіліктің демеушілігімен жарық көрген туындының авторлары мемлекет және қоғам қайраткері Қуаныш Айтаханов пен этнограф, өлкетанушы Абдулла Жұмашев екенін айта кетейік.