Елбасының «Болашаққа бағдар: рухани жаңғыру» мақаласы аясында Арнаулы кәсіптік колледж студенттерінің Кентау қаласының кәсіби әншілермен тәжірибе алмасу, халық әндерін насихаттау, сонымен қатар ән өнеріне деген қызығушылығын арттыру және қолдау көрсету мақсатында қалалық мәдениет және тілдерді дамыту бөлімінің бірлесіп ұйымдастыруымен «Жүректерге жол тапқан – екі жұлдыз» ән байқауы өтті.

Түркістан қаласына «Латын негізді әліпби мен емле ережесі туралы насихат» жобасы бойынша ғалымдардан құралған насихаттық топ келді. Белгілі мемлекет және қоғам қайраткері Оразкүл Асанғазықызы, Назарбаев Университетінің профессоры Жазира Ағабекқызы бастаған топ әуелі Түркістан облысы әкімі Жансейіт Түймебаевпен кездесті. Басқосуда ҚР Мәдениет және спорт министрлігі Тіл саясаты комитеті және Ш.Шаяхметов атындағы «Тіл Қазына» ұлттық ғылыми-практикалық орталығының ұйымдастыруымен облыста өтетін семинарлар барысы баяндалды. Бұл туралы «AQ-QARA.KZ» ақпарат агенттігі хабарлайды «ontustik.gov.kz» порталына сілтеме жасап. 

Ағымдағы жылдың 9 айының қорытындысы бойынша Түркістан облысының 300-ден астам өнеркәсіп кәсіпорны 323,9 млрд. теңгенің өнімін өндіріп, нақты көлем индексі 97 пайызды құрады. Бұл туралы Түркістан облысының өңірлік коммуникациялар қызметінде өткен брифингте Кәсіпкерлік және индустриалды-инновациялық даму басқармасының басшысы Ғанибет Әубәкіров мәлімдеді. 

2018 жылдың 1 қазанындағы мәліметке сүйенсек, Түркістан облысында тіркелген шағын және орта кәсіпкерлік субъектілері саны - 140 992, оның жұмыс істеп тұрғаны - 129 424. «Бизнестің жол картасы 2020» бағдарламасы аясында 2010 жылдан қазіргі таңға дейін 43 млрд. теңгеге 1500 жобаға қаржылай қолдау көрсетілген. Нәтижесінде 6 мыңнан астам жаңа жұмыс орындары құрылып, бюджетке 63 млрд. теңгенің салығы түскен. Бұл туралы Түркістан облысының өңірлік коммуникациялар қызметінде өткен брифингте Кәсіпкерлік және индустриалды-инновациялық даму басқармасының басшысы Ғанибет Әубәкіров мәлімдеді. 

Жетісай ауданының әкімі Жамантай Бейсенбаев алматылық «Прометей» және испаниялық «Корбелл» компаниясының өкілдерімен кездесті. Кездесу барысында тараптар Жетісай ауданынан 25 гектар жерге тәжірибе ретінде зәйтүн бағын егу мәселесін талқылады. 

Аудан әкімдігінің үлкен мәжіліс залында аудан әкімі Қайрат Әбдуәлиев пен аудан прокурорының төрағалығымен ағымдағы жылдың 9 айында қылмыстық жағдай мен олардың алдын алу бойынша іс-шаралар туралы мекемеаралық жиналыс өткізілді. Аталған жиынға ауданның барлық мүдделі мемлекеттік органдары және мемлекеттік емес ұйымдар қатысты. 

Сарыағаш қаласында заманауи спорт кешені ашылды. Қажетті құрал-жабдықтармен жасақталған спорт кешенінің ашылуына аудан әкімі Қ.Абдуалиев, облыстық мәслихаттың депутаты А.Салимов, облыстық дене шынықтыру және спорт басқармасы басшысының міндетін уақытша атқарушы А.Бердашов, ауданның зиялы қауым өкілдері, ардагер спортшылар мен жалпы жұртшылық қатысты. 

Елімізде 15 қыркүйектен бастап азаматтарды бастапқы медициналық-санитарлық көмек (БМСК) көрсететін денсаулық сақтау субъектілеріне тіркеу кампаниясы өтуде. Осыған орай Ордабасы аудандық мәдениет үйінде арнайы жиын өтті. Оны аудан әкімінің орынбасары Аңсарбек Әбдіқұлов ашып, жүргізіп отырды.

Түркістан облысы 2025 жылға қарай 58 156 тонна етті қайта өңдеп экспорттайтын болады. 2017 жылы бұл көрсеткіш 29 323 тоннаны құраған. Сондай-ақ, бүгінге дейін өңірімізде 43 375,2 сүт қайта өңделіп келсе, келешекте 92 875 тоннаға артады. Ал, 7 195 тонна көкөністен дайын өнім алынса, алдағы уақытта 49 195 тонна тауар қайта өңделмек. Бұл туралы облыстық ауыл шарушылығы басқармасының басшысы Нұрбек Бадырақов Облыс әкімі Жансейіт Түймебаевтың төрағалығымен өткен жиында мәлімдеді.

Петропавл қаласында Қазақстан мен Ресейдің аймақаралық ынтымақтастығына арналған «Қазақстан мен Ресейде туризмді дамытудың жаңа тәсілдері мен тенденциялары» тақырыбында XV форум өтуде. Халықаралық шара аясында Түркістандағы «Әзірет Сұлтан» мемлекеттік тарихи-мәдени қорық-музейінің «Түркістан жауһарлары» атты көрмесі ашылды.