Түркістан облысында 2015-2019 жылдарға арналған кәсіпкерлікті қолдау картасына жалпы инвестиция көлемі 426 млрд.тг. құрайтын 87 жоба енгізіліп, алдағы уақытта 11 мың жұмыс орны ашылатын болады.
Бәйдібек ауданы, Шаян ауылындағы «Тәуелсіздік» алаңында ауданның 90 жылдығына орай гала-концерт өтті. 5000-ға жуық көрермен қатысқан айтулы шараға Қазақстанның Халық әртісі, ҚР Мемлекеттік сыйлығының лауреаты, әнші Роза Рымбаева, Досымжан Таңатаров, Таңат Мамырханұлы, Нұрлан мен Мұрат, «Диета kz» тобы, Бауыржан Исаев, Заттыбек Көпбосынұлы, Ғазизхан Шекербеков сынды көптеген өнер жұлдыздары қатысып, ән шырқаса, республикаға танымал айтыскер ақын Біржан Байтуов ауданға арнауын жеткізді.
Түркістан облысы әкімінің орынбасары Ербол Садырдың нұсқаулығына және аудан әкімі Бақыт Асановтың тапсырмасына сәйкес, Мақтааралда «Қыс-2018» республикалық командалық-штабтық оқу-жаттығу жиыны өтті.
Елбасының «Болашаққа бағдар: рухани жаңғыру» бағдарламалық мақаласы мен Бәйдібек ауданының 90 жылдығы аясында «Шаянға барсаң әншімін деме» облыстық ән байқауы өтті. Өнер додасының мақсаты - ән өнерін дамыту, жас талант иелерін іздеу, жастар арасында сазгерлік өнердің кәсіби деңгейге көтерілуіне жол ашу. Жастарды отансүйгіштікке баулу, ұлттық рухта тәрбиелеу және патриоттық тақырыпта халық арасына, өнер сүйер қауымға кеңінен насихаттау. Шараны Бәйдібек ауданының әкімі Танагөзов Бақытбек Төленұлы құттықтау сөзбен ашып берді.
Мақтаарал ауданының ортылығы Мырзакент кентіндегі №1 балалар мен жасөспірімдер спорт мектебінің 2003-2004 жылғы оқушылары Қазығұрт ауданы әкімдігінің жүлдесіне арналған бокстан өткен облыстық турнирге қатысып, жоғары белестерден көрініп қайтты.
Ағымдағы жылдың мамыр айында Жиенқұм елді мекеніндегі құбырдың ұзындығы - 13,210 шақырымды құрайтын ауыз су құбыры желілерін құрылысы басталған болатын. Бәйдібек ауданының 90 жылдық мерейтойы қарсаңында Жиенқұм елді мекенінде «Ar Kua Group» ЖШС-гі жүргізген ауыз су құбыры желілері пайдалануға берілді.
Елбасының биылғы «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында айтылған ең басым бағыт – халық табысының өсуі, жалақыны көтеру бойынша түркістандық кәсіпорындар мен мекемелерде тиісті жұмыстар басталды. Түркістан қалалық әкімдігінің кәсіпкерлік бөлімі жергілікті кәсіпорындармен тікелей байланысқа шығып, мәселені шешу тетіктерін қарастырып жатыр.
7 қараша күні Бәйдібек ауданының әкімі Бақытбек Танагөзов, аудандық кәсіпкерлік бөлімінің басшысы Мейіржан Беріков Астана қаласында өткен «Жаңартылатын энергия көздерін дамыту» Қазақстан-Корей ынтымақтастығы атты форумға қатысты. Форум аясында Бәйдібек ауданының әкімі Бақытбек Танагөзов пен KK-Kiunsen атты Корей инвестициялық компаниясының президенті Джон Енг Сун арасында меморандумға қол койылды.
Мақтаарал және Жетісай аудандарында 252 шақырымдық су жүйесі қайта тазартылды. Екі аудандағы 3 бірдей каналдың 38 шақырымы жөнделіп, арнасы бетондалған.
Түркістан облысы Жетісай ауданы Шаблан Ділдабеков ауыл округінде қара мал бордақылауда ағайынды Тугаловтарға тең келер ешкім жоқ. Қос бауыр бұл кәсіпті осыдан 10 жыл бұрын қолға алыпты. Мал бордақылаудың пайдасы көл-көсір болмаса да, бір әулетті асырауға жарап тұр дейді олар. Мәселен, «Әділ» шаруа қожалығы жылына 60 шақты бұқа мен 150-ге жуық ұсақ мал бордалықайды екен. Асықата кентіндегі орталық базарда ет саудалайтын нүктесі де бар.