Отырар ауданында дзюдо, самбо күрестерінен СССР-ның спорт шебері, Қазақ күресінен ҚазССР-ның спорт шебері Мәмбетәлиев Оразәлі Дүйсенбайұлын еске алуға арналған республикалық турнирдің ашылу салтанаты өтті.
Түркістан облысының дене шынықтыру және спорт басқармасына қарасты «Ордабасы аудандық №1 Қажымұқан атындағы балалар мен жасөспірімдер спорт мектебі» КММ Бадам ауылындағы спорт кешенінде орналасқан.
Созақ ауданының әкімі Мұхит Тұрысбеков еркін күрестен 15 жасқа дейінгі жасөспірімдер арасында өткен Қазақстан Республикасының чемпионатында жеңіске жеткен жерлесіміз Мақсұт Ахмет пен оның бапкері Бейсембаев Бақытжанды қабылдады.
Шымкент қаласында ерекше балаларға арналған спорт мерекесі өтті. Биыл Астанада өтетін Children Paralympic Games инклюзивті спорт фестивалінің іріктеу кезеңі аясында ұйымдастырылған бұл іс-шарада ерекше білім беру қажеттіліктері бар балалар өз мүмкіндіктерін паш етті.
Астана қаласында 9–11 (12) сынып оқушыларына арналған «Ғылым әлемін ашамыз» атты ғарыштық зерттеулер бойынша халықаралық ғылыми байқау өтті. Еліміздің барлық өңірлерінен, сондай-ақ Ресей, Өзбекстан, Қырғызстан мемлекеттерінен 116 оқушы қатысқан іс-шарада оқушылар төрт негізгі секция бойынша жобаларын қорғап, зерттеушілік қабілеттерін көрсетті. Олар: ғарыштық техника және инфрақұрылым, ғарыштық биология және медицина, күн жүйесі және оның зерттелуі бағыттары болды.
Түркістан қаласында дәстүрлі түрде өткізілетін «Жазғы демалыс – спортпен» атты ашық алаң ойындары биыл да өз жалғасын тапты. Іс-шараның басты мақсаты – қала тұрғындарының жазғы демалысын тиімді және салауатты өткізуіне мүмкіндік жасау, сондай-ақ ұлттық спорт түрлерін кеңінен насихаттап, халық арасында бұқаралық спортты дамыту.
Әлемнің Олимпиадалық астанасы – Лозанна қаласында (Швейцария) 13-16 наурыз аралығында Халықаралық ескек есу федерациясының (FISA) Дүниежүзілік конгресі өтті. Съезд жұмысына FISA федерациясының президенті Жан-Кристоф Ролланның шақыруымен Түркістан облысы және Шымкент қаласы ескек есу және желкен спорты қауымдастығының төрағасы, Түркістан облыстық су спорты түрлерінен олимпиадалық спорт мектебінің директоры Денис Жәрменов қатысты.
Сауран ауданы Жүйнек ауылдық округінің жас спортшысы Анвар Ойбекұлы ел намысын абыроймен қорғап, үлкен жетістікке қол жеткізді. «Jalil Abdullaev ziatkerlik mektebi»-нің 10-сынып оқушысы Анвар Ресей Федерациясының Санкт-Петербург қаласында өткен 15-16 жасар жасөспірімдер арасындағы халықаралық бокс турнирінде 60 келі салмақ дәрежесінде жеңімпаз атанды.