Түркістан облысынан 540 тоннадан астам ауыл шаруашылығы өнімдері тиелген жүк көліктері Абай облысына жол тартты. Керуенде көкөніс, бақша, жеміс-жидек, балық және жергілікті қайта өңдеу өнімдері бар. Атап айтқанда, картоп - 194,0 тн, бақша - 81,0 тн, жеміс-жидек - 71 тн, қымыран, қаймақ, сары май, қымыз, айран, ірімшік, әсел, шырын, сусындар, шұжық, жұмыртқа, балық тағы басқа секілді 167,0 тн өнім жеткізіледі.

29–31 шілде аралығында «Visit Shymkent» туристік ақпараттық орталығының ұйымдастыруымен қонақ үй және қоғамдық тамақтану саласының әкімшілері мен гид-экскурсоводтарға арналған оқыту семинар-тренингі өткізілуде.

Бүгін қала әкімі Ғабит Сыздықбековтің төрағалығымен өткен кезекті аппараттық мәжілісте аудан әкімдері мен бірқатар басқарма басшыларының қатысуымен қаланың әлеуметтік-экономикалық және инфрақұрылымдық даму барысы талқыланды.

Шымкент қаласы №2 қалалық ауруханасының мамандары тыл ардагерлерін жоспарлы медициналық тексеруден өткізу жұмыстарын жалғастыруда. Аталған іс-шара Жеңістің 80 жылдығына орай ұйымдастырылып, оның аясында медициналық қызметкерлер тыл еңбеккерлерінің үйлеріне арнайы барып, скринингтік тексерулер жүргізді.

Келес ауданында ауыл шаруашылығы саласында биыл оң өзгерістер байқалады. Өңірге арнайы келген түркиялық инвесторлар ауданның табиғи-климаттық ерекшеліктерін зерделеп, жеміс-жидек шаруашылығын, соның ішінде шабдалы өсіруді дамытуға қызығушылық танытып отыр. Келес ауданы әкімінің орынбасары Сүлеймен Жылқыбаев шетелдік мамандарға өңірдің әлеуетін таныстырып, әріптестік орнату жолдарын талқылады.

Шардара қаласындағы Шардара су қоймасында тұқы балығын спорттық аулаудан Қазақстан Республикасының чемпионаты өтті. Ауқымды жарысқа еліміздің әр өңірінен келген үздік спорттық балықшы командалар қатысып, өзара бақ сынасты. Чемпионат жоғары деңгейде ұйымдастырылып, қатысушылар арасында әділ әрі тартысты ойын өтті.

Келес ауданында коммуналдық қызметтердің материалдық-техникалық базасын нығайту мақсатында жаңа техникалар пайдалануға берілді. Шараға аудан басшысы Жәнібек Ағыбаев қатысып, тұрғындар игілігі үшін алынған техникаларды салтанатты түрде табыстады.

Шомылу маусымы басталғалы Түркістан облысына қарасты жағажай аумақтарында қауіпсіздік және тазалық шаралары күшейген. Шардарадағы жағажайда осыған дейін анықталған кемшіліктер бойынша нақты жұмыстар жүргізіліп, демалушыларға қолайлы жағдай жасалды.

Түркістан облысында тұрғындарды баспанамен қамту ісі қарқынды. Бұл ретте Түркістан қаласы әкімдігі тұрғын үй құрылыс жұмыстары мен сапасын бақылауды қарқынды жүзеге асырып келеді.

Қазақстан Республикасы Ішкі істер министрлігі мен Түркістан облысы әкімінің тапсырмасы аясында "Заң мен Тәртіп" қағидатын ілгерілету мақсатында Полиция департаментінің ұйымдасқан қылмысқа қарсы күрес басқармасы, жергілікті полиция қызметі және жылдам қимылдайтын арнайы жасақ қызметкерлерінен құралған арнайы мобильдік топ құрылды.