Түркістан қаласында Астананың 20 жылдығына жəне «Əзірет Сұлтан» мемлекеттік тарихи-мəдени қорық-музейінің 40 жылдық мерейтойына орай мектеп оқушылары арасында дəстүрлі XXII «Ясауитану-2018» Халықаралық байқауы мәресіне жетті. Жиырма екі жылдық тарихы бар «Ясауитану» байқауына биыл еліміздің Астана, Алматы, Шымкент қалалары мен Ақмола облысы, Алматы облысы, Ақтөбе облысы, Қарағанды облысы, Қостанай облысы, Қызылорда облысы, Шығыс Қазақстан облысы, Түркістан облысы және Түркістан қаласы және Өзбекстан, Түркия, Қырғызстан Республикаларынан 41 оқушы қатысып бақ сынады.

Түркістан облысының әкімі Жансейіт Түймебаев Қарттар күні қарсаңында Түркістан қаласының ардагерлерімен кездесті. Басқосуда облыс әкімі ел ақсақалдарын мерекемен құттықтап, облыс орталығын дамытуға рухани тұрғыдан дамытуға атсалысуға шақырды.

Өткен жексенбі, яғни, 23 қыркүйек күні Түркістан қаласына «Абылай ханның қара жолы» экспедициясы келіп жетті. Бұл экспедиция Елбасының «Болашаққа бағдар: рухани жаңғыру» бағдарламасы аясында 2018 жылғы 17 қыркүйек күні Бурабайдағы Абылай хан алаңынан бастау алған болатын.

Түркістан облысы Жетісай ауданында Елбасының «Болашаққа бағдар: Рухани жаңғыру» атты мақаласындағы «Туған жер» бағдарламасы аясында Қызылқұм ауылдық округінің 70 жылдық мерейтойы аталып өтті. Мерекелік шара округке кіреберістегі «Шаңырақ» монументінің ашылуымен бастау алды. Еңселі монументтің ашылу салтанатына Жетісай ауданының әкімі Жамантай Бейсенбаев, аудандық ардагерлер кеңесінің төрағасы Әбдіғаппар Исаев, аудандық қоғамдық кеңестің төрағасы Тойым Жүнісов, профессор Бегім Серіков сынды азаматтар қатысты.

Қыркүйектің 17-19 күндері Төлеби аудандық прокуратурасының бастамасымен аудандық прокуратура, Зейнетақы төлеу жөніндегі мемлекеттік орталық департаментінің Төлеби аудандық бөлімі, аудандық жұмыспен қамту және әлеуметтік бағдарламалар бөлімінің қызметкерлері бірлесе Қазақстан Республикасының кейбір заңнамалық актілеріне әлеуметтік қамсыздандыру мәселелері бойынша енгізілген өзгерістер мен толықтырулар жөнінде тұрғындармен кездесіп түсіндірме жұмыстарын жүргізді.

Отырар ауданы әкімдігінде өткен кезекті аппарат мәжілісінде 2018 жылдың 8 айдың қорытындысымен аудан бюджетінің атқарылуы және 9 айда күтілетін болжам қаралып, талданды. Аталған жиынға аудан әкімінің орынбасарлары мен бөлім басшылары және ауыл әкімдері мен БАҚ өкілдері қатысты.

Өткен бейсенбі, яғни, 20 қыркүйек күні Сарыағашта ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департамент басшысы Ғалым Сұлтанұлы Тұрсынбаевтың төрағалық етуімен Сарыағаш ауданының мемлекеттік қызметшілерімен және бюджеттік ұйым басшыларымен кездесу өтті.

Мақтаарал ауданы жаңадан құрылып, дербес дами бастағандықтан, Мырзакент пен Атакент кенттерінде тұңғыш рет «Жасыл ел» жастардың еңбек жасақтары жұмыс жасай бастады. Аудандық «Жастар ресурстық орталығы» КММ-нің ұйымдастыруымен ауданның студент және жұмыссыз жастарын қосымша жұмыспен қамту, қоғамдық, еңбек белсенділіктерін нығайтуды жүзеге асыру, жастар бойында азаматтық және отансүйгіштік қасиеттерін қалыптастыру мақсатында «Жасыл Ел» еңбек жасақтарын қалыптастырған болатын.

Елбасының бастамасымен жасалып жатқан реформалардың негізгісі «Ұлт жоспары 100 нақты қадамның» алғашқы 15-і мемлекеттік аппаратты кәсібилендіруден басталуы мемлекеттік қызметке аса көңіл бөлініп отырғанын білдірсе керек. Осыған орай Отырар ауданына арнайы келген Түркістан облысы әкімі аппаратының Әдеп жөніндегі уәкілі Әмірдин Әлішев мемлекеттік қызметкерлердің Әдеп кодексі заңнамаларын сақтау және мемлекеттік қызметтің оң бейнесін қалыптастыру мақсатында келелі жиын өткізді.

Мақтаарал ауданында «ХХІ ғасырдағы қазақстандық ата-ана: өз балаңа үлгі бол!» атты аудандық конференция болып өтті. Іс-шараға аудан әкімінің орынбасары Бейсенбай Төребеков, аудандық білім бөлімінің басшысы Серік Туребеков және білім ұйымдарының мамандары, ата-аналар комитетінің төрағалары мен мүшелері қатысты.