Апта басында ҚР Парламент Мәжілісінің депутаты, «Нұр Отан» партиясы фракциясының мүшесі Фахриддин Қаратаев Шардараға арнайы іссапармен келіп, халықпен жүздесті.

Сәрсенбі, 24 қазан күні Келес ауданы әкімдігінің мәжіліс залында «Нұр Отан» партиясы Келес аудандық филиалының кезектен тыс ІІ конференциясы болып өтті. Конференцияның күн тәртібінде бірнеше мәселе қаралды.

Облыс орталығы мәртебесіне ие болған Түркістан шаһарына саяхат үшін келетін туристер саны артып келеді. Тарихи орынды қызықтау және зиярат етуге келгендер саны былтыр 1 миллион болса, биылғы 8 айдың өзінде олардың қатары 900 мыңға жетіп отыр. Бұл ең әуелі аймақта саяхатшыларға қызмет көрсету сапасының артқаны, сонан соң қатынас жолының жақсарғанын дәлелдейді.

ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша Департаментінің басшысы Ғ.С.Тұрсынбаев 2018 жылдың 24 қазан күні Түлкібас ауданы Т.Рысқұлов ауылындағы М.Ломоносов атындағы мектеп гимназиясының ұжымымен кездесті. Іс-шараның мақсаты — жалпы адамгершілік және ұлттық құндылықтар негізінде өскелең ұрпақтың бойына сыбайлас жемқорлыққа қарсы мәдениетті қалыптастыру және оған қарсы тұруға дайын тұлғаларды тәрбиелеу.

Сарыағаш ауданы Қапланбек аграрлық-текникалық колледжінде арнаулы орта оқу орындарының студент қыздар арасында жарыс өтті. Қапланбек аграрлық-текникалық колледжінде Сарыағаш ауданы ішкі саясат бөлімінің «Жастар ресурстық орталығы» КММ-нің ұйымдастыруымен арнаулы орта оқу орындарының студент қыздары арасында спорттың волейбол түрінен «Студенттік лига» ойындары болып өтті.

Грузияның астанасы Тбилиси қаласында самбодан 1998-1999 жылы туылған жастар мен жасөспірімдер арасында өткен әлем чемпионатында Түркістанның үш бірдей түлегі топ жарды. Бибарыс Әбдіғани +100 келіде, Кемелбек Молдаш 65 келі салмақта өнер көрсетіп, қос сайыпқыран күміс медальды еншілесе, Айдарбек Тоқтарбек 82 келі салмақ дәрежесінде белдесіп, үшінші орын нәтижесімен қола медальды місе тұтты.

Түркістан облысының әкімі Жансейіт Түймебаев Қазақстан Республикасы Парламенті Мәжілісінің депутаты Әбдіманап Бектұрғановпен кездесті. Басқосуда өңірдегі білім саласының бүгінгі жай – күйі кеңінен сөз болды. Кездесу барысында аймақ басшысы Мемлекет басшысының «Қазақстандықтардың әл-ауқатының өсуі: табыс пен тұрмыс сапасын арттыру» атты халыққа арнаған Жолдауында атап көрсетілген міндеттерді негізге ала отырып, облыстағы білім сапасын арттыру бағытында атқарылып жатқан жүйеілі жұмыстарға тоқталды. 

Қазіргі таңда Жетісай ауданында 152 мал бордақылау алаңы жұмыс істейді екен. Солардың бірі Жетісай ауданы Абай ауыл округіндегі «Махарам» шаруа қожалығы алдағы 4 айда 1 мың бас қойды бордақылап шығармақ.

Түркістандағы ХҚТУ-дің Мәдениет орталығында Түркістан облысы әкімдігінің ұйымдастыруымен Қазақстан Жастар одағы және Халықаралық «Алаш» әдеби сыйлықтарының лауреаты, «Құрмет» орденінің иегері, көрнекті ақыны Қасымхан Бегмановтың 60 жас мерейтойына орай «Сағыныштан тұрады тіршілігім...» атты шығармашылық кеш өтті.

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша Департамент басшысы, Әдеп жөніндегі кеңес төрағасы Ғалым Сұлтанұлы Тұрсынбаев ағымдағы жылғы 24-қазанда «Нұр Отан» партиясы Түлкібас аудандық филиалында тұрғындарды жеке қабылдады.